HUMURAJ DIFINOJ
aĉeta : iom aĉa
aerolito : lito en kiu dormas tiu, kiu konstruas kastelojn en la aero
agropiro : piro kiu kreskas en kulturejoj
akrobato : bato per la tranĉrando de sabro
amuzi : preni amon kiel rimedon por trafi celon
aventuro : turo, kie oni ensiligas avenon
bazaro : tuto de la bazoj ; ekz. la franca bazaro en la Pacifika Oceano
bibliofiloj : filoj pri kiuj parolas la Biblio ; ekz. Kaino kaj Abel
brikabrako : fortika brako, malmola kiel briko
cimbalo : kunveno en kiu dancas litlaŭsoj
ĉefpeko : peko de la ĉefo
damaĝo : sekreto de la virinoj
dialogo : logo de dio
diamanto : piulo
dieto : eta dio
difino : morto de dio
divizio : dia revelacio de brigadestro
ekskursoj : iamaj kursoj
ekskursanoj : malnovaj lernantoj
ekskuzoj : iamaj kuzoj
estrado : mastrado, direktado
estrarano : rano de la ĉefo, kiu kvakas kun li
fekulo : malbravulo kiu makulas sian pantalonon antaŭ danĝero
fervora : kiu nutras sin per fero
flegmono : mono, kiun oni donas al flegistino
galero : guto da galo
gazeto : furzeto lasita de gazetisto
groteska : kaverneca
harakiro : kreskado de haroj ĉe beboj
harpuno : puno konsistanta el fortranĉo de la haroj
informoj : virinaj formoj tre ŝatataj de ĵurnalistoj
inkludi : ludi per inko kiel petolemaj lernantoj
insekto : rondo de feministinoj
intima : kiu timas la virinojn
juglando : lando kie regas diktaturo
kaĉaloto : pureo ricevita per lotumado
kalendulo : persono, kiu ĉiam formetas ĝis la grekaj kalendoj
kamparano : rano vivanta sur la kampoj
kanonizi : provizi per kanonoj
kanzono : laga, marŝa zono, kie kreskas kanoj
karoserio : ruĝa kartluda serio
katalogo : logo de kato, kiu penas por plaĉi
katastrofo : miaŭado
kokardo : seksardo de koko
kolego : iu kun ega kolo, arogantulo
korseto : malgranda promenejo
korveto : malgranda korvo
kredito : kandidato je kiu oni kredas antaŭ la balotado
lumbriko : briko kiun tervermoj konfuzas kun lumvermo
lupado : vorado
majordomo : domo de komandanto
malorganizi : senigi organojn
mamluko : aperturo en korsaĵo per kiu eblas ekvidi inajn amorlogaĵojn
marmito : sireno
minareto : reto da minoj
mitulo : ulo, kies ekzistado estas fiktiva, kiel fantomo, koboldo
modulo : dando, snobo
molesti : esti milda, parolante pri policisto
monarko : arko farita per mono
monologo : logo de mono
monoplano : buĝeto
muskolo : kolo de muso
mustango : danco de la musoj, kiam la kato forestas
najbaraĵo : baraĵo farita per serpentoj
nokturno : noktovazo uzata de muzikistoj, kiam ili ludas ĉambromuzikon
nokturno : urno uzata por nokta voĉdonado
okulo : sportisto kun la numero ok
oksidi : sidi okope
ordono : malavara dono
papago : ago de papo
papavo : avo de la papo
paperaro : absurdaĵo se, laŭ la aserto, la Papo estas neeraripova
piediri : paroli pie
praavino : tre malnova vino
prozelito : elstaraj verkistoj en prozo
rabarbo : arbo, kiun oni rabas kiel okazas al multaj Kristarboj
rabeto : malgranda rabo
raketo : eta rako por ordige ricevi pafilojn
regularo : estraro
remaĉulo : fuŝa remanto
riparo : la tuto de la ripoj
rompado : pleonasmo, ĉar ĉiuj padoj kondukas al Romo
salikario : sonado de la vento tra la branĉoj de saliko
senileco : stato de maljunulo senigita je siaj iloj
sintakso : memtaksado
sofisto : metiisto kiu fabrikas sofojn
standardo : fervoro de deĵoranto ĉe Esperanto-stando
stratosfero : stratmedio
teama : kiu ŝatas trinki teon kun samskipanoj
trupano : pano kun truoj destinata al armeanoj
vertago : tago de la vero
vojaĝo : kvanto da tempo pasinta ekde la uzo de vojo